مناجات
بارالها عاشقم دیوانه ام
شمع عشقیمدورحسین پروانه ام
عشقیده آزادیدور دیوانه لر
یاندیرا شهپر گرک پروانه لر
ناقصم عشقیمده پر یاندیرماسام
نارسه روشن سوزی آندیر ماسام
خلقتونده بیر محقّر بنده ام
ائتمیشم خبط خطا شرمنده ام
اللی ئیلده ایلدیم بی حد گناه
روسیاهم روسیاهم روسیاه
گئچ گناهیمدن به حق فاطمه
قلبیمه دوشمیش شرار حاطمه
قاره می ماه محرم باغلارام
سینه وورام من حسینه اغلارام
یده سایماز منی قارداشلاریم
دردیمه بیلَّم دگر گوز یاشلاریم
گونده بش وقته عبادت ایلرم
امریوه دلدن اطاعت ایلرم
سینه می مین درده آماج ایلمه
سن منی نامرده محتاج ایلمه
باده یارب آرزوئیم گئتمسین
اللریمدن آبروئیم گئتمسین
بیرگونی آخر منیم جانیم چیخار
صبر سرحدین پریشانلق یخار
اوندا امر ایله مقدس یاریمه
جان چخان ساعت گله دیداریمه
صورت رحمانی دوندر قبریمه
عاشقم جانانی گوندر قبریمه
شاعر : استاد معزی اردبیلی
احوالات حضرت فاطمه زهرا (سلام الله)
پروانه ,منی ,عشقیمدورحسین ,دیوانه ,محتاج ,آرزوئیم ,عشقیمدورحسین پروانه ,نامرده محتاج ,محتاج ایلمهباده ,منی نامرده ,آماج ایلمهسن
درباره این سایت