افتخاریم بودو تورکم دیلیم آذر دیلیدی
افتخاریم بودو تورکم ، دیلیم آذر دیلیدی
وز هرنه دیون ، تُركه بو دیل سئوگیلیدی
دَده قورقوددی دَدَم ، سازی باسوب سینه سینه
سازینون پرده لَری ، خلقه ، ایپَك تك تِلیدی
قهرمان بابكیمیز واردی آدی ذروَه ده دی
دیَه بیلَّم كه اوزی تك لیگینه ، مین ائلیدی
سارا عصمتلی گلین لَر بِجَریب آذر ائلی
عِصمَتین حِفظ اِئلماقلیقدا ، پَناهی سِئلیدی
خان چوبانلار واریمیزدی ، نبی لر ، دُمْرُل لَر
هَر بیری تُرك ائلینون زحمتینون حاصلیدی
شهریار تركیدی، سعی ایلَمه سن فارس ائده سی
او اَدَب گُلشَنینون ایچره سولونماز گُلیدی
تُرك دانماز دیلینی ، بَلكه اونا فَخر ائلیَر
دیلینی دانسا بیری ، سَن دیری سانما ، اُلیدی
قوچ كور اوغلی، دَلی ایوازی تانور تُرك اوشاقی
گر چه مسكن اولارا ، داغ آرا چَنلی بئلیدی
ساتقین اولما ، دیلووی ساتما آماندور یلیگ اول
فارسی اورگَتمَك اوشاقه بو دیلین قاتلیدی
فارسینی اورگَشَجَكدور اوشاقون جامِعَه دَن
گوزَل ایرانیمیزین ، فارسی كه رَسمی دیلیدی
اِئوده باری اوشاقونلان ، گوزَلیم تُركجَه قونوش
دئمَه سین بیرگون او،تُركی دیلی،چوخ مُشگلیدی
دَرد دانیشدیردی گنه ((جعفری))نی نیلَه مَه لی
بونی یاخشی بیلورَم ، سَن دیَه جَكسَن دَلیدی
جعفری زاویه
احوالات حضرت فاطمه زهرا (سلام الله)
، ,آذر ,بودو ,دیلیم ,تورکم ,افتخاریم ,دیلیم آذر ,بودو تورکم ,، سَن ,افتخاریم بودو ,تورکم دیلیم ,بودو تورکم دیلیم
درباره این سایت