زبانحال مادر حضرت علی اصغر علیه السلام
( اوخشاما . بایاتی )
*****
قاش قارالار گون باتار
خورشید مغربه چاتار
هر انا ئوز بالاسین
آلار اغوشه یاتار
*****
بهار اولار یاز اولار
بلبل گوله باز اولار
بولمزدیم یاز گولی تک
عمرون سنون از اولار
*****
گون باتدی قاش قارالدی
اورک باشین غم الدی
دولی دوشدی گلشنه
غنچه گلوم سارالدی
*****
من سنه اغلامادیم
سینه می داغلامادیم
منه چوخ نسگل اولدی
یاراوی باغلامادیم
*****
دوزوم نجه فراقینه
سو دگمدی دوداقینه
گوردی سینم ده یوخ سودوم
دوشدی ئولوم سراقینه
*****
منیم بالام دل اشمادی
ایاق دوتوب یول قاشمادی
منیم سود انمین بالام
قوجاقیمه یاراشمادی
*****
خزان گلشنی الدی
غنچه گلوم سارالدی
مندن ایریلدی گیتدی
الیم سینه مده قالدی
*****
دان اولدوزوم سوزولدی
اشکیم یوزه دوزولدی
قالدیم اغلار ئولونجه
الیم سندن اوزوادی
*****
دلده غمه دوزوم وار
ایکی اغلار گوزوم وار
گلسن منی گورماقا
سنه چوخلی سوزوم وار
*****
حرمله بیر اوخ اتدی
اشکیمی قانه قاتدی
سنی مندن ایردی
فلک مقصده چاتدی
*****
جان شربتی جالاندی
صبریم ائوی تالاندی
شادلیق گلوب گیدندی
غملر ولی قالاندی
*****
بهار اولدی یاز اولدی
غم منه دم ساز اولدی
منیم خوش گونلریم تک
عمرون سنون از اولدی
*****
منی نوالی ائتدون
ئوزون مقصده یتدون
اللریوی باغلادیم
مندن گیلیلی گیتدون
*****
گل بیر غمه الیشاق
گر . موسن باریشاق
بیر گئجه گل یوخوما
ننه بالا دانیشاق
*****
منیم شیرین غزل بالام
دوداقلاری عسل بالام
ایاق دوتوب یول گیتمین
دل اچمیان گوزل بالام
*****
برگزیده از کتاب دریای گوهر
اثر احد عدل جوی تبریزی
احوالات حضرت فاطمه زهرا (سلام الله)
یاز ,گلوم ,بیر ,زبانحال , ,دوتوب ,سنون از ,دوتوب یول ,زبانحال مادر ,تکعمرون سنون ,اوخشاما بایاتی
درباره این سایت